Kanonista na trzech wydziałach

Die 26.2.2002 auctori - nuper septuaginta annos agenti - fasciculus specialis periodici „Prawo Kanoniczne” traditus est. Hanc occasionem nactus auctor praelectionem habuit de propria experientia professoris iuris canonici tribus in facultatibus. Iam anno 1958 collata ei sunt praelectiones iuris canonici in Seminario Maiori Dioecesis Katovicensis, quae ab eo nunc in Facultate Theologica Universitatis Silesiensis continuantur. Rerum rationes in hac munere exercendo premebant ut antequam normae exponentur ipsum phaenomenon iuridicum („quid ius”) Ecclesiae pro posse enuclearetur. Abhinc autor ad problemata fundamentalia iuris ecclesialis animum suum movebat. Ab anno 1970 in Facultate Iuris Canonici Academiae Theologiae Catholicae (nunc Universitatis Cardinalis Stephani Wyszyński) fungitur. In facultate ista studiis denuo constituendis operam dedit et muneri professoris theoriae theologiaeque iuris canonici subiit. Decem ab annis professor ordinarius iuris canonici in Facultate Iuris Universitatis Silesiensis agitat. In praelectione de experientia tribus in facultatibus (theologiae, iuris canonici et iuris) facta loquitur. Opinionem suam de scientia ipsa iuris canonici et de mutuis relationibus scientiae istius cum theologia et cum scientiarum iuris profert. Permagni momenti censet ut canonistae earum partem hoc in commercium intellectuale adferae possint.